„Plattdüütsch leevt!!“

„Plattdüütsch leevt!!“

Eine plattdeutsche Kolumne von Uwe Hansen

So nennt sük de Vureen, de sük hier in Neegroom in Hamborgs Süden üm uns Plattdüütsche Spraak verdeent mookt. Und at nu all siet 43 Johrn. Jo, so lang all wardt uns Platt, wüllt mol so seggen: doodsnackt! Man woh is wirklich; „ Platdüütsch leevt!“ Noch jümmers. Ok wenn’t wenige Minschen wardt. De sük noch totruut, Platt ok to snacken. Wobi de Plattsnackers, also wi, dor meist jammers een betten Schuld an hebbt. Denn statt dat wü öber jedeneen de mit uns Plattsnacken will freit un em hölpt un em oder eer op Paltt antert, bewiest wü jüm, wat wü beeter mitnanner Geel snackt indem wü dat ok so mookt. Un forts wrdt uns Fründ dat pienlich indem he jo markt, wat he mit sein Platt nich so ganz richtig leegen hett! Ik glööv, dor mööt wü vun afkamen.
Un mööt soveel Gedürr hebben as de Lüüd vun „Plattdüütsch leevt!“, de elkeen Mand eere Veranstaltung mookt un in elkkeen Joahr, so as nu jüst wedder dat Wettlesen för Horborger Schoolkinner ünner den Titel „Schoolkinner leest Platt!“ Dat is allns mit bannig veel ehrenamtliche Arbeit verbunn. Man se mookt dat giern . Un sorgt so dorför, wat er Vereenstitel mit Leven füllt wardt. Ik weet nich off se de all kreegen hebbt, ober eegentlich harrn se alltohoop de scheune Hamborger Medaille „Für treue Arbeit im Dienste des Volkes“ verdeent.